घोराही । गोरक्ष पात्र देवता, सिद्ध रत्ननाथ मठ चौघेराको आयोजनामा आइतवारदेखि सुरु हुने देवीपाटन महायात्रा २०८२ को तयारी पूरा भएको छ।
मठ व्यवस्थापन समितिका सदस्य तोयानाथ योगीले विहान साढे चार बजे यात्रा सुरु हुने जानकारी दिनुभयो । विदेशबाट आएका समेत तीन सय बढी साधुसन्तको सहभागिता रहने उहाँले जानकारी दिनुभयो । विभिन्न झाँकी, कलश र रथयात्रासहित यात्रा सुरु हुने जानकारी दिँदै उहाँले लमहीमा पाँच दिन बस्ने र कोइलाबास जाने बताउनुभयो ।
कोइलाबासमा एक दिन बसेर भारतको जनकपुरमा दुई दिन बसेर चैत ९ गते भारतको पाटनदेवी जाने र त्यहाँ पाँच दिन बसेर चैत १५ गते फर्कने कार्यक्रम रहेको योगीले जानकारी दिनुभयो । पहिले मठले नै आर्थिक व्यवस्थापन गर्ने गरेको भए पनि दुई वर्षदेखि देवीपाटन यात्राको खर्च व्यवस्थापन लुम्बिनी प्रदेश सरकारले गर्दै आएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
