काठमाडौं । काठमाडौंको गैरीगाउँमा भीषण आगलागी भएको छ।

मंगलबार गैरीगाउँस्थित काठको गोदाममा भीषण आगलागी भएको हो ।

अहिले नेपाल प्रहरी, महानगर प्रहरी लगायतले दमकलको सहायतामा आगलागी नियन्त्रणको प्रयास जारी रहेको जिल्ला प्रहरी परिसर, काठमाडौंले जनाएको छ ।

प्रहरीका अनुसार अहिले ४ वटा दमकल पठाइएको छ भने ललितपुरको दमकल पनि मगाइएको छ ।

आगलागीबाट निस्किएको धुवाँको असर विमानस्थलसम्म फैलिएपछि तत्काल आन्तरिक र बाह्यतर्फका सबै उडान र अवतरण स्थगित गरिएको नागरिक उड्डयन प्राधिकरणले जनाएको छ ।

आगलागीबाट भएको क्षतिको विवरण प्राप्त हुन बाँकी छ ।

सिस्ने अनलाइन

सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।