दाङ । राप्ती स्वास्थ्य बिज्ञान प्रतिष्ठानले स्वास्थ्य विधाका कुनै बिषयमा स्नातकोत्तर गरेकाहरुका लागि पिएचडि(PHD) कार्यक्रम सुरु गर्ने तयारी गरेको छ ।
चिकित्साशास्त्रमा स्नातकोत्तर तहसम्मको अध्ययन गर्ने व्यवस्था भएपनि पिएचडी गर्ने कार्यक्रम सम्बन्धित विश्व विद्यालयले नै तयारी गर्नुपर्ने भएकाले त्यसको पनि सुरुवात गरिएको एमडिजिपी प्राडा केके राईले जानकारी दिनुभयो ।
उहाँले विश्व विद्यालय अनुदान आयोग र विभिन्न अन्तरराष्ट्रिय संस्थाहरुसँग सहकार्यमा प्रतिष्ठानमा पिएचडी कार्यक्रम सनञ्चालन गरिने बताउनुभयो ।
प्राडा राईले प्रतिष्ठानमा फुल टाइम तीन वर्ष, पार्ट टाइम छ वर्षमा पिएचडी गर्न सकिने र स्वास्थ्य क्षेत्रसँग सम्बन्धित विधाका स्नातकोत्तर गरेकाले भर्ना पाउने जानकारी बताउनुभयो ।
प्रतिष्ठानमा पहिलोपटक PHD in Primary Health care(प्राथमिक स्वास्थ्य सेवा) कार्यक्रमको तयारी गर्न सुरु गरिएको हो । शैक्षिक कार्यक्रम बिस्तारका लागि सामान्य अभ्यास तथा प्राथमिक स्वास्थ्य सेवामा (General Practice/ Primary care) प्रस्तावित पिएचडी कार्यक्रमका लागि अनुसन्धान विशेषज्ञ परामर्श गरिएको प्रतिष्ठानका रजिस्ट्रार प्रा. श्याम लम्सालले बताउनुभयो ।
विशेषज्ञ परामर्शमा प्राडा देबराज अधिकारी, डा. निरज धिताल, स्वास्थ्य मन्त्रालयका डा. केशरबहादुर ढकाल, चिकित्सा शिक्षा आयोगका प्राडा सुजन बाबु मरहट्ठा, प्राडा रोहित पोखरेल, प्राडा रमेश आचार्य, डा. चीनज्वाला श्रेष्ठ, पिएचडि, डा.राजकुमार राई, पिएचडि, जिपिएमएएनका सभापति डा.बिश्व दबाडि, डा. खड्ग श्रेष्ठ, पिएचडि, डा. मनिराज क्षेत्रि, पिएचडि, सुलोचना राई ढकाल , पिएचडि, प्राडा कृष्णकुमार राई लगायतको सहभागिता रहेको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
