दाङ । छिल्लीकोट बहृत् पदयात्रामा सहभागी पदयात्रीलाई राष्ट्रिय झण्डा सहित सम्मान गरिने भएको छ । यहीँ कार्तिक ७ गते हुने छिल्लीकोट बृहत् पदयात्रा २०८२ मा सहभागी हुने सम्पूर्ण पदयात्रुलाई सम्मान गर्न लागिएको हो ।
तुलसीपुर १९ छिल्लीकोटमा रहेको कालिका मालिका एवं छिल्लीकोट संरक्षण समिति र स्थानीय गाउँलेहरुले पदयात्रीलाई स्वागत सम्मान गर्ने समितिका अध्यक्ष परवीर पुनले जानकारी दिनुभयो । छिल्लीकोटको पर्यटन प्रवर्धन र ईतिहास संरक्षणका लागि सुरु हुने पदयात्राको स्वागत स्वरुप सम्मान गर्न लागिएको अध्यक्ष पुनको भनाई छ ।
पदयात्रामा शाहवंसीय राजाहरुले राज्य संचालन गर्दा प्रयोग गरिएको तोप,राजारानी बस्ने स्थलगढी र गाउँलेहरुले स्थापना गरेको छिल्लीकोट होमस्टे,कालिका,मालिका मन्दिरको अवलोकन गराउँने कार्यक्रम तय भएको अध्यक्ष पुनको भनाई छ । यसका लागि गाउँलेहरुले सम्पूर्ण तयारी पूरा गरेका छन ।
छिल्लीकोट बहृत् पदयात्रा २०८२ पत्रकारहरु खेमराज रिजाल,जनक नेपाली , गोकर्ण पौडेल, राकेश बस्नेत र गिरीराज नेपालीको पहलमा हुन लागेको हो । पदयात्रा यहीँ कर्तिक ७ गते बिहान साढे ५ बजे तुलसीपुर उपमहारपालिका १९ माबि संक्रामको वरपीपलबाट सुरु हुदैछ ।।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
