घोराही। घोराहीस्थित गोरखा इन्टरनेशनल पब्लिक सेकेण्डरी स्कुलमा गठन गरिएको ‘गोरखा जागृत बाल क्लब’को पुनर्गठन गरिएको छ। साउन १४ गते सम्पन्न पुनर्गठनबाट सुरब शर्मा अध्यक्ष रहने गरी नयाँ कार्यसमिति चयन गरिएको हो।
नयाँ समितिमा कृतन भण्डारी उपाध्यक्ष, संज्ञान अधिकारी सचिव, टार्जन चौधरी सहसचिव र साईवन बुढा कोषाध्यक्ष चयन भएका छन्। शिक्षक शोभाकर पन्थी, जीवन हमाल र वेदप्रसाद जैशीको मार्गदर्शनमा क्लबको पुनर्गठन गरिएको हो।
पुनर्गठित बाल क्लबले विद्यालयमा सिर्जनशीलता, नेतृत्व क्षमता र अनुशासनको विकासमा योगदान पुर्याउने अपेक्षा गरिएको छ। विद्यालय परिवारले नयाँ नेतृत्वलाई सफल कार्यकालको शुभकामना व्यक्त गरेको छ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
