नेकपा (माओवादी केन्द्र)को १६ गतेदेखि बस्ने स्थायी समिति बैठकका एजेन्डा तय भएका छन्। बुधबार पेरिसडाँडामा बसेको पदाधिकारी बैठकले स्थायी समिति बैठकका एजेन्डा तय गरेको हो।
बैठकमा अध्यक्ष पुष्पकमल दाहाल ‘प्रचण्ड’ले समसामयिक राजनीतिक विषयमा रिर्पोटिङ पेश गर्ने पहिलो एजेण्डा तय भएको प्रवक्ता अग्नि सापकोटाले जानकारी दिनुभयो । त्यस्तै पार्टीले सञ्चालन गरेको मध्यपहाडी लोकमार्ग अभियानलाई निरन्तरता दिनेबारे छलफल हुनेछ, अभियान पोखरा पुगेर रोकिएको छ ।
त्यसैगरी स्थायी समिति बैठकले केन्द्रीय समिति बैठक तोक्ने, समाजवादी मोर्चालाई सक्रिय बनाउने, संगठन निर्माण, कार्यविभाजन, आन्तरिक एकता सुदृढीकरणबारे एजेण्डामा निर्णय गर्ने उहाँले जानकारी दिनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
