घोराही । नेपाल उद्योग व्यापार महासङ्घ घोराहीले भर्खरै सरुवा भएर आउनुभएका राष्ट्रिय अनुसन्धान विभाग दाङका प्रमुख ओम खड्कालाई स्वागत गरेको छ।
अध्यक्ष महेन्द्र बुढाथोकीको अध्यक्षता एवं महासङ्घका केन्द्रीय सदस्य मीनराज भण्डारीको प्रमुख आतिथ्यमा भएको कार्यक्रममा उहाँलाई स्वागत गरिएको हो।
कार्यक्रममा प्रमुख अतिथि भण्डारी, सम्मानित व्यक्तित्व ओम खड्का, महासङ्घका पूर्व केन्द्रीय सदस्य नरबहादुर अधिकारी, दाङ उद्योग वाणिज्य संघका सदस्य रामप्रसाद पोख्रेल, पत्रकार नरेन्द्र केसी र महासङ्घ तुलसीपुरका अध्यक्ष वेदप्रसाद ओलीले बोल्नुभएको थियो।
महासङ्घ घोराहीका उपाध्यक्ष शालिकराम आचार्यको स्वागत मन्तव्यबाट सुरु भएको कार्यक्रम सञ्चालन महासङ्घ घोराहीका महासचिव विकास ओलीले गर्नुभएको थियो।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
