एयर इन्डियाको लन्डनतर्फ जान लागेको विमान बिहीबार दिउँसो अहमदाबादको मेघाणी नगरमा विमानस्थलको परिधिबाहिरै दुर्घटनाग्रस्त भयो। सो बोइङ ड्रीमलाइनर विमान दिउँसो एक बजेर सत्ताइस मिनेटमा उडेको थियो, तर उड्न अनुमति दिइएको नौ मिनेटपछि नै दुर्घटनामा पर्यो।
सन् २०२५ मा भएका केही ठूलो विमान दुर्घटनाको झलक
फेब्रुअरी २६: सुडानको ओमदुर्मान शहरमा सुडानी सेनाको एक विमान दुर्घटना हुँदा कम्तीमा ४६ जनाको मृत्यु भयो, जसमा महिला र बालबालिकाहरू पनि थिए। विमान राजधानी खार्तुम नजिकैको वाडी सइदना हवाई आधारशिविरबाट उड्दै गर्दा दुर्घटनामा परेको थियो।
अप्रिल २७: अमेरिका, टेनेसीको ग्रामीण क्षेत्रमा सानो Mooney M20TN विमान दुर्घटना भयो। तीनै जना सवारको मृत्यु भयो। FAA (संघीय उड्डयन प्रशासन) ले दुर्घटना पुष्टि गर्दै छानबिन सुरु गरेको छ।
मे ५: अमेरिकाको सिमी भ्यालीमा सानो विमान बस्ती क्षेत्रमा खस्दा दुई व्यक्ति र एक कुकुरको मृत्यु भयो। विमानले दुई घरमा क्षति पुर्याएको थियो। तर घरभित्र रहेका सबै मानिस सकुशल बाहिर निस्कन सफल भएका थिए।
मे ७: भारतको बठिण्डा नजिक अकाली खुर्द गाउँमा विमान दुर्घटनाग्रस्त भइ विस्फोट हुँदा एक जनाको मृत्यु र नौ जना घाइते भए। दुर्घटना स्थल भिसियाना एयर फोर्स स्टेशनबाट करिब बीस किलोमिटर टाढा थियो।
मे ८: उत्तरकाशीको गंगनानी नजिक देहरादुनबाट गंगोत्री जाँदै गरेको हेलिकप्टर दुर्घटनामा परी छ जनाको मृत्यु र एक जना घाइते भए। हेलिकप्टरमा सात जना सवार थिए, जसमा पाँच जनाको घटनास्थलमै र एक जनाको उपचारको क्रममा मृत्यु भयो।
मे १७: फिनल्याण्डमा ट्याल्लिनदेखि पिकाजार्भी विमानस्थलसम्म उडिरहेको अवस्थामा दुई हेलिकप्टर आकाशमै ठोक्किएर दुर्घटनाग्रस्त भए। धेरै जनाको ज्यान गयो।
मे २२: अमेरिकाको स्यान डिएगोको मर्फी क्यानियन क्षेत्रमा सानो विमान खस्दा कैयौंको मृत्यु भयो। यसले धेरै घर र गाडीमा आगलागी गराएको थियो र वरपरका टोलहरू खाली गराइयो।
मे २९: दक्षिण कोरियाली नौसेनाको एक P-3 गस्ती विमान अभ्यासका क्रममा दुर्घटना हुँदा चार चालक दल सदस्यमध्ये दुई जनाको मृत्यु भयो। विमान पोहाङस्थित आधारबाट उडेको थियो।
जुन १: जर्मनीको पश्चिमी भागमा एउटा सानो विमान घरको टेरेसमा खस्दा कम्तीमा दुई जनाको मृत्यु भयो। यसले घरमा आगलागीसमेत गराएको थियो।
जुन ९: अमेरिका, स्यान डिएगो नजिकै सानो विमान समुद्रमा खस्दा छ जनासहित दुर्घटना भयो। विमान Cessna 414 थियो, जुन उडेको केही समयमै समुद्रमा खसेको हो।
जुन ९: त्यही दिन, टेनेसीको कफी काउन्टीमा एक स्काइडाइभिङ विमान दुर्घटनामा पर्यो। विमानमा बीस जना सवार थिए। केही मानिस घाइते भए, तर मृत्यु भएन।
जुन १२: थाइल्याण्डको प्रख्यात पर्यटकीय स्थल हुवा हिन नजिक एक प्रहरीको सानो विमान समुद्रमा खस्दा छ जनाको मृत्यु भयो। विमान प्यारासुट तालिमको पूर्वतयारी परीक्षणमा निस्किएको थियो।
सन् २०२५ भन्दा अगाडिका केही ठूला विमान दुर्घटनाहरू:
मे २२, २०१०: दुबईबाट मंगलोर जाँदै गरेको एयर इन्डिया एक्सप्रेसको फ्लाइट ८१२ अवतरण गर्ने क्रममा मंगलोर अन्तर्राष्ट्रिय विमानस्थलमा दुर्घटनाग्रस्त हुँदा १६६ जनामध्ये १५८ जनाको मृत्यु भएको थियो। यो भारतीय उड्डयन इतिहासको सबैभन्दा ठूलो दुर्घटनामध्ये एक हो।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
