दाङ- दाङको अर्जुन खोलामा डुबेर बेपत्ता भएका लमही नगरपालिका-५ निवासी २२ वर्षिय चेतराज चौधरीको शव आज बिहान ९ बजेको समयमा भेटिएको छ ।
हिजो अबेरसम्म फेला नपरेपछि सुरक्षाकर्मीको टोलीले आज बिहानैदेखि उनको खोजीकार्य सुरु गरेको थियो ।
चेतराज वैशाख १३ गते दिउँसो साथीहरूसँग नुहाउन भनेर अर्जुन खोलामा गएका थिए । नुहाउने क्रममा उनी डुबेको साथीहरूले प्रहरीलाई बताएका थिए ।
उनी डुबेको खबर पाएलगत्तै प्रहरी घटनास्थल पुगेर नेपाली सेना, सशस्त्र प्रहरीको सहयोगमा खोजी कार्य सुरु गरेको थियो। तर राति अबेरसम्म प्रहरी सफलता हात पार्न नसकेपछि फर्किएको थियो ।
आज बिहान मात्र चेतराज चौधरीको शव भेटिएको वडा प्रहरी कार्यालय लमहीका निमित्त कार्यालय प्रमुख धर्म खड्काले जानकारी दिए ।
अहिले उनको शवलाई पोष्ट मार्टमका लागि लमही अस्पताल लगिएको र सबै कानूनी प्रक्रिया पूरा गरेर आफन्तलाई जिम्मा लगाइने खड्काले जानकारी दिए।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
