घोराही । अम्बे सामुदायिक वन उपभोक्ता समूह घोराही १८ अम्बापुरको आयोजनामा दिगो वन व्यवस्थापन तथा पर्यापर्यटन सम्बन्धी भेला सम्पन्न भएको छ।
समूहका अध्यक्ष श्रीधर भण्डारीको अध्यक्ष र जिल्ला वन कार्यालयका प्रतिनिधि प्रदेशु चौधरीको प्रमुख आतिथ्यमा बेला भएको हो।
प्रमुख अतिथि चौधरीले सरकारले ल्याएको दिगो वन व्यवस्थापनको नीतिअनुसार सबै वन समूह र उपभोक्ताहरु अघि बढ्नुपर्ने बताउनुभयो। उहाँले कूल वन क्षेत्रको दश प्रतिशत क्षेत्रमा पर्यापर्यटनका संरचना बनाउन सकिने बताउनुभयो।
भेलाले यो वनमा पर्यापर्यटन कार्यक्रम अघि बढाउने निर्णय गरेको छ। भेलामा वडा सदस्य दीपा नेपाली, वन महासङघका केन्द्रीय सदस्य सावित्रा राना, बयलडाँडा चौतारी क्लबका अध्यक्ष नारायण भुसाल, ऋषिराम चौधरी, नरेन्द्र केसी, पुरन शर्मा, भुपेन्द्र भुसाललगायतले बोल्नुभएको थियो।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
