कमल खड्का
रोल्पा । रुन्टीगढी गाउँपालिकामा २०८१ को पालिकास्तरीय कक्षा ८ को बार्षिक परीक्षाको नतिजा सार्वजनिक गरिएको छ । २०८१ फागुन २१ गतेदेखि फागुन २८ गतेसम्म सञ्चालन गरिएको पालिकास्तरीय आधारभुत तह अर्थात कक्षा ८ को बार्षिक परीक्षाको नतिजा मंगलबार गाउँपालिकाको सभाहलमा एक कार्यक्रम गरी सार्वजनिक गरिएको हो ।
पालिकाको शिक्षा शाखाले सार्वजनिक गरेको नतिजा अनुसार महेन्द्र मावि होलेरी प्रथम, जनज्योति आधाभूत विद्यालय लामिडाँडा द्वितीय र इन्द्रदेवी आधाभूत विद्यालय लखना तृतीय भएका छन् । महेन्द्र मावि होलेरीले ६३.६४ प्रतिशत, जनज्योति आवि लामिडाँडाले ६३.१४ र इन्द्रदेबी आवि लखनाले ६० प्रतिशत विद्यार्थी उत्तीर्ण गराउँदै क्रमशः प्रथम, द्वितीय र तृतीय भएका हुन् ।
त्यस्तै विषयगत शिक्षकको तर्फबाट बढी विद्यार्थी उत्तीर्ण गराउन सफल शिक्षकहरु अङ्ग्रेजी विषयमा ९५ प्रतिशत चिरायुमान विक जनज्योति आवि लामिडाँडा, ८८ प्रतिशत नरेश बाठा सरस्वती मावि सतिम, ८८ प्रतिशत रिम बहादुर डाँगी महेन्द्र मावि होलेरी, ८३ प्रतिशत लुमबहादुर केसी हेमन्त मावि जुर र ८३ प्रतिशत प्रकाश कुमार वली इन्द्रदेबी आवि लखना गणित विषयमा रहेका छन् । त्यसैगरी ८२ प्रतिशत मेघ बहादुर शाह महेन्द्र मावि होलेरी, ७३ प्रतिशत पुजा पुन इन्द्रदेवी आवि लखना, ७१ प्रतिशत खेमराज रावत जनज्योति आवि लामिडाँडा र विज्ञान विषयमा १०० प्रतिशत झक्कु वली नेपाल राष्टिय« मावि रिठाबोट, १०० प्रतिशत रणबहादुर डाँगी त्रिपुरेश्वरी आवि खारा, ९७ प्रतिशत कमल प्र्रकाश पुन महेन्द्र मावि होलेरी र ९६ प्रतिशत अमराज कवँर भिमसेन मावि सैवाङबाट रहेका छन् ।
उत्कृट नतिजा ल्याउन सफल विद्यालय विद्यार्थी र विषयगत शिक्षकलाई पालिकाको तर्पmबाट प्रोत्सान तथा सम्मान गरिने कार्यक्रम रहेको समेत परीक्षा समितिले जानकारी दिएको छ ।
गत वर्ष २१ प्रतिशत शैक्षिक उपल्ब्धी रहेकोमा अहिले ६.१६ प्रतिशतले बढेर २७.१६ प्रतिशत भएको छ । गत वर्षको शैक्षिक उपल्ब्धी भन्दा अहिले बढेपछि गाउँपालिका अध्यक्ष तथा कार्यक्रमका प्रमुख अतिथि जनक पुनले खुसी व्यक्त गर्दै आगामी शैक्षिक सत्रमा शिक्षकहरुले थप मेहनत गरेर आगामी वर्ष शैक्षिक उपलब्धी थप बृद्धि गर्न अनुरोध गर्र्दै शुभकामना व्यक्त गर्नुभएको छ ।
परीक्षा समितिका संयोजक तथा शिक्षा शाखा प्रमुख अन्जु शर्माको अध्यक्षता एवं गाउँपालिका अध्यक्ष जनक पुनको प्रमुख आतिथ्यतामा सुरुभएको कार्यक्रममा पालिकामा सञ्चालित १९ विद्यालयका विब्यस अध्यक्ष र प्रधानध्यापकहरुको उपस्थिति रहेको थियो । कार्यक्रमकको सहजीकरण शिक्षा शाखा प्रास घनबहादुर डाँगी गर्नुभएको थियो ।
यस्तो रहेछ, यो वर्षको र गतवर्षको सार्वजनिक नतिजाको तथ्याङ्कहरु ः
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
