दाङ । दाङ जिल्ला उद्योग वाणिज्य संघको ५५औं स्थापना दिवसको अवसरमा आयोजित विभिन्न खेलकुद प्रतियोगिता सम्पन्न भएका छन्।
स्लो मोटरसाइकल, स्कुटी, लामो दौड, बोरा दौड र कुर्सी दौड प्रतियोगिता सम्पन्न भएसँगै स्थापना दिवसका सम्पूर्ण खेलकुद कार्यक्रमहरू सफलतापूर्वक समापन भएको संघका सह-कोषाध्यक्ष माधव खनालले बताउनु भयो ।
स्लो मोटरसाइकल प्रतियोगिता: प्रथम – निराजन राना, द्वितीय – भीमसेन डीसी, स्कुटी प्रतियोगिता: प्रथम – मीना पोख्रेल, द्वितीय – जिवा भुसाल, लामो दौड: प्रथम – रोशन घर्ती मगर, द्वितीय – रामबहादुर घर्ती, बोरा दौड: प्रथम – उमेश पन्त, द्वितीय – भीमसेन डाँगी र कुर्सी दौड: प्रथम – पदम नेपाली, द्वितीय – उमेश पन्तले हासिल गरेको संघका सचिव विकास वलीले जानकारी दिनु भयो ।
भोलि साधारणसभा तथा पुरस्कार वितरण कार्यक्रम
दाङ जिल्ला उद्योग वाणिज्य संघको २०औं साधारणसभा भोलि शनिबार बहुउद्देश्यीय सभागृहमा आयोजना गरिनेछ। संघका अध्यक्ष वसन्त जोशीका अनुसार उक्त सभालाई लुम्बिनी प्रदेश सभा सदस्य तथा पूर्वमन्त्री राजु खनालले सम्बोधन गर्ने कार्यक्रम तय भएको छ।
साधारणसभाको अवसरमा प्रतियोगिताका विजयी खेलाडीहरूलाई पुरस्कार वितरण गरिने संघले जनाएको छ।


सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।