घोराही । “मर्यादित सहकारी : समुन्नत समाज” नाराका साथ दाङमा ६८औं राष्ट्रिय सहकारी दिवस विविध कार्यक्रम गरी मनाइने भएको छ। बिहीबार पत्रकार सम्मेलन गर्दै जिल्ला सहकारी संघ, दाङले यसबारे जानकारी दिएको हो।
संघका अध्यक्ष हेमराज गौतमका अनुसार सहकारी दिवसका अवसरमा विभिन्न सामाजिक तथा सहकारी गतिविधिहरू आयोजना गरिनेछ।
कार्यक्रमहरु चैत्र १६ “मर्यादित सहकारी : समुन्नत समाज” विषयक अन्तरक्रिया, चैत्र १७ मानव कल्याण समाजमार्फत सडक मानवलाई खाद्य सामग्री वितरण, चैत्र १८ रक्तदान कार्यक्रम, चैत्र १९ अन्तर-सहकारी हाजिर जबाफ प्रतियोगिता, चैत्र २० झाँकी जुलुससहित सहकारी दिवसको मुख्य कार्यक्रम रहेको संघले जानकारी दिएको छ।
पत्रकार सम्मेलन संघका वरिष्ठ उपाध्यक्ष माधव खनालको स्वागत मन्तव्यबाट सुरु भएको थियो भने कार्यक्रमको सहजीकरण संघका सचिव इन्द्र बुढाथोकीले गरेका थिए।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
