• २२ चैत्र २०८१, शुक्रबार

सम्पर्क

सिस्ने मिडिया एण्ड टेक्नोलोजी प्रालिद्वारा सञ्चालित
सम्पर्क कार्यलय: घोराही उपमहानगरपालिका– १८ घोराही, दाङ
फोन नम्बर: +९७७-९८०९८५५४०३ , ९८५७८३२६३६
इमेलः : sisneonline@gmail.com
विज्ञापनका लागि
9809855403
दाङ उद्योग वाणिज्य संघको ५५औं स्थापना दिवस : व्यवसायीहरूबीच खेलमैदानमा प्रतिस्पर्धा




दाङ। दाङ जिल्ला उद्योग वाणिज्य संघको ५५औं स्थापना दिवसको अवसरमा मंगलबारदेखि फुटबल प्रतियोगिता सुरु भएको छ। प्रतियोगिताको उद्घाटन संघका अध्यक्ष वसन्त जोशीको अध्यक्षता तथा पुर्व अध्यक्ष भरत बुढाथोकीको प्रमुख आतिथ्यता भएको थियो ।

कार्यक्रमका प्रमुख अतिथि तथा संघका पूर्वअध्यक्ष बुढाथोकीले व्यवसायीहरूबीच सहकार्य, भाइचाराको सम्बन्ध मजबुत बनाउन खेलकुद महत्त्वपूर्ण हुने बताउनुभयो। “व्यवसाय मात्र होइन, सामाजिक उत्तरदायित्वको रूपमा पनि खेलकुदलाई प्रवर्द्धन गर्नुपर्छ,” उहाँले भन्नुभयो।

उद्घाटन कार्यक्रममा बोल्दै अध्यक्ष जोशीले व्यवसायीहरूबीच एकता, सहकार्य र खेलकुदको महत्त्वलाई उजागर गर्न प्रतियोगिता आयोजना गरिएको बताउनुभयो। उहाँले खेलाडीहरूलाई अनुशासन, खेल भावना र मित्रतालाई बलियो बनाउन आग्रह गर्नुभयो।

कार्यक्रममा वरिष्ठ उपाध्यक्ष नरेश कुमार श्रेष्ठले स्वागत मन्तव्य दिनुभएको थियो भने संघका सचिव विकास वलीले संचालन गर्नुभएको थियो।

पहिलो दिनका खेलहरू

स्थापना दिवसको अवसरमा आयोजित प्रतियोगिताको पहिलो खेलमा राप्ती अटो इन्जिनियरिङ एसोसिएसन बिजयी भएको छ। उसले मोबाइल तथा इलेक्ट्रोनिक व्यवसायी संघलाई ६-० गोलको अन्तरले पराजित गरेको छ।

यस्तै, आजै भएको दोस्रो खेलमा दाङ देउखुरी होटेल व्यवसायी समिति विजयी भएको छ। लुम्बिनी एकेडेमी फुटबल ग्राउन्डमा भएको खेलमा उसले दाङ जिल्ला फोटोग्राफर एसोसिएसनलाई ५-२ को गोलअन्तरले पराजित गरेको छ।

फुटबल समितिका संयोजक बिक्रम रानाका अनुसार भोलि बुधबार बिहान पहिलो खेल होटेल व्यवसायी समिति र फेन्सी व्यवसायी संघ बीच हुनेछ भने दोस्रो खेल राप्ती अटो इन्जिनियरिङ एसोसिएसन र किराना व्यवसायी संघ बीच हुने जानकारी दिनुभयो।

Facebook Comments