घोराही । दाङमा खाद्य व्यवस्था तथा व्यापार कम्पनी लिमिटेड तुलसीपुरले ५५ लाख मूल्यको धान खरिद गरेको छ ।
खाद्य व्यवस्था तथा व्यापार कम्पनी लिमिटेड तुलसीपुरले कात्तिक २१ गतेदेखि पुस मसान्तसम्म जिल्लामा किसानबाट ५५ लाख ६६ हजार चारसय ६४ रुपियाँ मूल्यको एक हजार ६ सय ३२ क्विन्टल १५ केजी धान खरिद गरेको हो ।
जिल्लामा आठ हजार क्विन्टल धान खरिद गर्ने लक्ष्य लिएको खाद्यले २० प्रतिशत अर्थात एक हजार ६ सय ३२ क्विन्टल १५ केजी मात्र धान खरिद गर्न सफल भएको खाद्य व्यवस्था तथा व्यापार कम्पनी लिमिटेड तुलसीपुरका प्रमुख तिलक सुनारले जानकारी दिनुभयो ।
कार्यालय प्रमुख सुनारका अनुसार खाद्यले जिल्लामा किसानसँग प्रतिक्विन्टल तीन हजार चारसय १० रुपियाँ ५१ पैसाका दरले धान खरिद गरेको थियो । केन्द्रबाट ढिलागरी धान खरिदका लागि परिपत्र आउँदा लक्ष्यको निकै कम मात्रामा धान खरिद भएको भन्दै खाद्य व्यवस्था तथा व्यापार कम्पनी लिमिटेडका प्रमुख सुनारले भन्नुभयो, ‘नियमित रुपमा प्रत्येक बर्ष खाद्यले धान खरिद गर्दैआएको भए यो समस्या आउने थिएन । धेरै बर्षपछि धान खरिद गर्दा किसानले विश्वास गरेनन् ।’
व्यापारीकोभन्दा बढी मूल्य दिएर खाद्यले यो बर्ष किसानसँग धान खरिद गरेकाले आगामी बर्ष पनि धान खरिदमा समस्या नआउने कार्यालय प्रमुख सुनारले बताउनुभयो ।
कार्यालयका अनुसार यो बर्ष देउखुरीको गढवा र राजपुर गाउँपालिकासँगै तुलसीपुर उपमहानगरपालिकाबाट मात्र धान खरिद गरिएको बताउनुभयो । कार्यालयका अनुसार गढवा र राजपुर गाउँपालिकाबाट एक हजार ६ सय २५ क्विन्टन र बाँकी धान तुलसीपुर उपमहानगरपालिकाबाट खरिद गरेको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
