केवि वली
दाङ । तुलसीपुर उप-महानगरपालिका वडा नं. ५ (ङ) लाइन स्थित गौरव वलीको घरमा अबैध रुपमा जुवातास खेलिरहेका ९ जनालाई प्रहरीले पक्राउ गरेको छ ।
जुवातास खेलिरहेको गोप्य सूचनाको आधारमा ईलाका प्रहरी कार्यलय तुलसीपुरका प्रहरी निरीक्षक बिनोद राज खत्रीको कमाण्डमा गएको बिशेष प्रहरी टोलीले अबैध रुपमा जुवातास खेलिरहेका ९ जनालाई पक्राउ गरेको हो।
दिउँसो ३:४५ बजेको समयमा जुवातास खेलिरहेको गोप्य सूचनाको आएपछि प्रहरी निरीक्षक बिनोद राज खत्रीको कमान्डमा गएको प्रहरी टोलिले गौरव वलीको घर खानतलासी गर्दा कोठाभित्र अबैध जुवा तास खेलिरहेको अवस्थामा जुवा खालबाट नगद रु. २,५२,०६५।-, तास १०२ पत्ता, नखोलेको नयाँ तास १ गड्डी र जुवा खेलिरहेका ९ जना ब्यक्तिहरुलाई नियन्त्रणमा लिई अहिले अनुसन्धान कार्य अगाडि बढाएको ईलाका प्रहरी कार्यलय तुलसीपुरका प्रमुख डिएसपी अनिल कुमार ठकुरीले जानकारी दिनुभएको हो।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
