दाङ । निजी तथा आवासीय विद्यालय अर्गनाइजेसन नेपाल (प्याब्सन ) दाङकाे आयाेजनामा जिल्लास्तरीय हाजिरीजवाफ प्रतियोगिता सम्पन्न भएकाे छ । आज साेमबार जिल्लाकाे घाेराहीस्थित मेचीकाली सेकेन्डरी स्कुलमा कार्यक्रम सम्पन्न भएकाे हाे ।
कार्यक्रममा माउन्ट भ्यु इङलिस बाेर्डिङ स्कुलका सलिना पाैडेल, रक्षा शर्मा र अनस न्याैपानेकाे समूह प्रथम, गुरूकुल एकेडेमीका अंशु खनाल, साेहन खनाल र आर्यान घर्तीकाे समूह द्वितीय, गाेरखा मावि तुलसीपुरका प्रतीक्षा पुरी, शिशिर सुनार र विकास बस्नेतकाे समूह तृतीय र अमर इङलिस बाेर्डिङ स्कुलका निशान दशाैदी, आशुतोष खरेल र माैसकी राेका मगर सान्त्वना भएका छन् ।
प्याब्सन दाङका अध्यक्ष निर्मल न्याैपानेकाे अध्यक्षता तथा प्याब्सनका केन्द्रीय सचिव यादव गिरीकाे प्रमुख आतिथ्यमा कार्यक्रम सम्पन्न भएकाे थियाे ।
कार्यक्रममा प्याब्सन लुम्बिनी प्रदेश सल्लाहकार महेन्द्र अधिकारी , प्याब्सन दाङका प्रमुख सल्लाहकार मधुसुदन केसी लगायतले शुभकामना मन्तव्य राखेका थिए ।
प्याब्सन दाङका वरिष्ठ उपाध्यक्ष बिरेन्द्र चन्दकाे स्वागत मन्तव्यबाट सुरू भएकाे कार्यक्रमकाे सहजीकरण सचिव आदिम केसीले गरेका थिए भने हाजिरीजवाफकाे सहजीकरण राजेन्द्र चन्दले गरेका थिए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
