दाङ। दाङमा अटो रिक्सा दुर्घटना हुँदा तीन जना घाइते भएका छन्। गढवा गाउँपालिका–५ कक्रहवा स्थित गढवा कोइलावास सडक खण्डमा भैसहवादेखि कोइलावास जाँदै गरेको रा १ ह ५९०४ नम्बरको अटो रिक्सा दुर्घटना हुँदा तीन जना घाइते भएको ईलाका प्रहरी कार्यालय गढवाले जनाएको छ।
राजपुर गाउँपालिका–३ भैसहवा निवासी ५० बर्षिय तुलाराम विक, सोही ठाउँ निवासी ४० बर्षीया बसन्ती बिक, ३६ बर्षीय प्रेमचन्द्र यादव घाइते भएका छन्।
५० बर्षीय तुलाराम विक र ३६ बर्षिय प्रेमचन्द्र यादवलाई लमही अस्पतालमा प्राथमिक उपचारपछि थप उपचारका लागि राप्ती स्वास्थ्य विज्ञान प्रतिष्ठान घोराही लगिएको छ भने ४० बर्षीया बसन्ती विकको लमही अस्पतालमा उपचार भइरहेको छ।
अटो रिक्सा र चालक भैसहवा निवासी ४० बर्षिय मदन विक प्रहरी नियन्त्रणमा छन्। अटो आफै अनियन्त्रित भई दुर्घटनामा परेको प्रहरीले जनाएको छ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
