रोल्पा। राेल्पाकाे गंगादेवबाट दाङको तुलसीपुरका लागि छुटेकाे जीप दुर्घटना हुँदा १० जना घाइते भएका छन।
गंगादेव गाउँपालिका -४ बसारेबाट तुलसीपुरका लागि छुटेकाे लु १ ज २३८६ नम्बरको जिप त्रिवेणी गाउँपालिका-३ तिखनभिर स्थित भित्री सडक खण्डमा दुर्घटना भएको जिल्ला प्रहरी कार्यालय राेल्पाले जनाएको छ।
दुर्घटनामा परि घाइते हुनेमा गंगादेव -४ पाखापानी बस्ने बर्ष ७० को भरत बहादुर वली, साेहि ठाउँका वर्ष १८ को लोकेन्द्र खत्री, वर्ष ३४ को तिलक के.सी., वर्ष १३ कि लक्ष्मी के.सी., वर्ष ३९ कि रुपा के.सी, वर्ष १२ को नबिन के.सी, वर्ष ९ को मोहन के.सी, वर्ष ३७ को दिपक खत्री, वर्ष २६ को भुपाल खत्री र वर्ष २३ कि निर्मला वली रहेको जिल्ला प्रहरी कार्यालय राेल्पाका प्रवक्ता प्रहरी निरीक्षक राेहित कुमार शाहीले बताए।
गाडीमा चाकक र साहु सहित १२ जना सवार रहेकोमा साहु रमेश वली र चालक करन वलीलाई केही नभएको हुदा प्रहरीले नियन्त्रणमा लिएको छ। घाइते सबैकाे प्रादेशिक अस्पताल तुलसीपुरमा उपचार भइरहेको छ घाइते मध्ये एक जनाकाे अवस्था गम्भीर रहेको र अरु सबैको सामान्य रहेकाे उपचारमा संलग्न स्वास्थ्यकर्मी रेखा रेग्मीले बताइन्।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
