दाङ । दाङमा ट्याक्टरको ठक्करबाट मोटरसाइकल चालकको मृत्यु भएको हो । दुर्घटनामा गम्भिर घाइते भएका मोटरसाइकल चालक लमही नगरपालिका-४ भैसकुमराका ३१ वर्षिय हेमन्त चौधरीको मृत्यु भएको हो ।
चौधरीको उपचारको क्रममा लमही अस्पतालमा गएराती मृत्यु भएको जिल्ला प्रहरी कार्यालय दाङका प्रवक्ता डिएसपी इश्वर थापाले जानकारी दिनुभयो।
उहाँका अनुसार चौधरीलाई पूर्वपश्चिम राजमार्ग अन्तर्गत लमही नगरपालिका-७ नयाँ वस्तीमा ट्याक्टरले ठक्कर दिएको हो । सतबरियाबाट लमहीतर्फ आउँदै गरेको लु ३१ प ४१५४ नम्बरको मोटरसाइकललाई भे १ त ४१५६ नम्बरको ट्याक्टरले ठक्कर दिएको प्रहरीले जनाएको छ ।
ट्याक्टर चालक लमही-७ का ४२ वर्षिय शोभाराम चौधरीलाई नियन्त्रणमा लिएर आवश्यक अनुसन्धान अघि बढाएको प्रवक्ता थापाले जानकारी दिनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
