घोराही । दुई उपमहानगरपालिका, एक नगरपालिका र सात वटा गाउँपालिका गरी दश स्थानीय तहले बनेको एक जिल्ला हो, दाङ । कृषि,पर्यटन क्षेत्रको विकास , प्राकृतिक स्रोत साधनको उचित सदुपयोग नै दाङको समृद्धिका आधारहरु हुन् । जसका लागि साझा एजेण्डा र धारणा निर्माणको आवश्यकता रहेको बताइएको छ ।
उक्त साँझा एजेण्डा निमार्ण गर्न दाङ जिल्ला उद्योग वाणिज्य संघे भूमिका खेलिरहेको छ, जस अन्तरर्गत विभिन्न वज्ञ व्यक्तिहरुसँग सुझाव संकलनमा लागेको दाङ जिल्ला उद्योग वाणिज्य संघका सचिव विकास वलीले बताए ।
दाङबाट प्रतिनिधित्व गर्ने संघ र प्रदेशका माननिय र मन्त्रीसहित दश स्थानीय तहका प्रमुख , उप-प्रमुख र दाङ का क्रियाशील संघसंस्था र राजनीति दलको उपस्थित यहीँ कार्तिक २२ गते भेलाको आयोजना गरेको समेत सचिव वलीले बताए ।
‘दाङको समृद्धिका लागि विकासको सामूहिक रोडम्याप आवश्यक छ । जिल्लाको तत्कालिन र दीर्घकालिन विकास रणनीति बनाएर सबै पक्ष नलाग्दासम्म विकास र समृद्धिको कल्पना समेत गर्न नसकिने दाङ जिल्ला उद्योग वाणिज्य संघका अध्यक्ष वसन्त जोशीले बताए ।
अध्यक्ष जोशीले जिल्लाको विकासको आगामी मार्गचित्र बनाउनुपर्ने आवश्यकता ठानी आफूले कार्यक्रमको प्रस्ताव अघि सारेको बताए । जिल्लाको समृद्धि र विकासका निम्ति सामूहिक छलफल आवश्यक रहेको बताउँदै सबै दंगाली एक हुनपर्नेमा जोड दिए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
