दाङ । दाङमा स्क्रब टाइफसका बिरामी भेटिन थालेका छन् । राप्ती स्वास्थ्य विज्ञान प्रतिष्ठानमा उपचारका लागि आएका बिरामीमा स्क्रब टाइफससँग मिल्दोजुल्दो लक्षण देखिएपछि परीक्षण गर्दा पोजेटिभ संक्रमण देखिने विरामीको संख्या बढ्दै गएको हो ।
२०८१ सालको पछिल्लो ५ महिनामा १ सय वढी विरामीहरुमा स्क्रब टाइफसको संक्रमण भेटिएको प्रतिष्ठानका सूचना अधिकारी निशानदाजु भट्टराइले जानकारी दिनुभयो । गएको बैशाखदेखि भदौ २७ गतेसम्ममा १ हजार ३ सय ८४ जना विरामीहरुले आफ्नो स्वास्थ्य परीक्षण गरेकोमा १ सय ५७ जनामा पोजेटिभ देखिएको भट्टराइले बताउनुभयो ।
स्क्रब टाइफसका पोजेटिभ देखिएका ती बिरामीमा ज्वरो आउने, पसिना आउनेलगायतका लक्षण देखिने र बेलैमा उपचार गरे निको हुने भएपनि ढिलाइ गरे ज्यानै जान सक्ने पनि हुन्छ । सूचना अधिकारी भट्टराइले दिएको जानकारी अनुसार २०८० साउनदेखि २०८१ असार मसान्तसम्ममा ३ हजार ९ सय ४२ जना विरामीमा परीक्षण गरिएकोमा ७ सय ३६ जनामा पोजेटिभ देखिएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
