दाङ ।लायन्स क्लब इन्टरनेसनल डिस्ट्रिक ३२५एन अन्तर्गत लायन्स क्लब अफ घोराही अम्बिकेश्वरीमा वर्ष २०२४/२०२५ को अध्यक्षमा चन्द्र प्रकाश खनाल निर्वाचित भएका छन् । क्लबको प्रथम उपाध्यक्षमा डा. प्रकाश सुवेदी, द्वितीय उपाध्यक्षमा गेहेन्द्र बस्नेत, तृतीय उपाध्यक्षमा डा. शिशिर सुवेदी, सचिवमा बसन्तप्रसाद रिजाल, कोषाध्उक्षमा इं सागर बस्नेत, उपसचिवमा रामप्रसाद पोख्रेल निर्वाचित भएका छन् ।
त्यस्तै सदस्यहरुमा नवराज बसेल, बसन्तराज भट्ट, सञ्जिता भट्ट, धनी खड्का खनाल, दिप्ती राणा, हस्तवीर बुढा, निमबहादुर केसी, कमला केसी, पृथ्वी कुँवर, कुसुम कोमल बुढाथोकी, गोपाल गिरी, सीता मल्ल र अन्जु अधिकारी निर्वाचित भएका छन् ।
यस्तै हिजो शुक्रबार एक कार्यक्रमका बिच नवनिर्वाचित पदाधिकारीहरुलाई पद हस्तान्तरण गरिएको छ । संस्थापक अध्यक्ष लव अधिकारीको अध्यक्षता तथा डिस्ट्रिक गभर्नर विनोद कुमार श्रेष्ठको प्रमुख आतिथ्यमा पद हस्तान्तरण कार्यक्रम सम्पन्न भएको हो । कार्यक्रममा प्रमुख जिल्ला अधिकारी रामबन्धु सुवेदी, घोराही उपमहानगरपालिकाका नगर प्रमुख नरुलाल चौधरी, जिल्ला प्रहरी कार्यालय दाङका प्रवक्ता रामप्रसाद तिमल्सिनालगायतले शुभकामना मन्तव्य व्यक्त गरेका थिए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
