दाङ। दाङको घोराहीस्थित महेन्द्र वहुमुखी क्याम्पसमा शंकास्पद बस्तु फेला परेको छ ।
जिल्ला प्रहरी कार्यालय दाङवाट पुगेको प्रहरी टोलिले सुतलि वम जस्तो देखीने शंकास्पद बस्तु फेला परेको जनाएको हो । जिल्ला प्रहरी कार्यालय दाङका निमित्त प्रहरी प्रमुख डिएसपि राम प्रसाद तिमल्सिनाले क्याम्पसमा शंकास्पद बस्तु फेला परेको र दुई जनालाई प्रहरीले नियन्त्रणमा लिएको बताए ।
मोटरसाइकीलमा आएका दुई जना ब्यक्तिले क्याम्पसमा आएर सुतलि वम पड्काएर भागेको र उनिहरुलाई भाग्नेक्रममा पक्राउ गरेको उनले बताए । उनका अनुसार पक्राउ पर्नेमा प्लस टु सकेका अभियान थापा र सोही क्याम्पसमा पढ्ने सुदन कार्की रहेका छन् । उनिहरु दुवै जना घोराही निवासी रहेको र पक्राउ परेका विरुद्ध घटना वारे अनुसन्धान भइरहेको प्रहरीले जनाएको छ ।
पक्राउ परेका दुवै जनाले रमाइलोका लागी वम पड्काएको स्विकार गरेको प्रहरीलाई वयान दिएका छन् । सुतलि वमजस्तो मानिने शंकास्पद बस्तुको डिस्पोजका लागि नेपाली सेनासंग पनि सम्पर्क भइरहेको प्रहरीले जनाएको छ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
