तुलसीपुर / दाङको तुलसीपुरमा तीन वटा सवारी साधन एकआपसमा ठोक्किदा दुई जना गम्भीर घाइते भएका छन् ।
बिहीबार दिउँसो करिब सवा ४ बजेतिर तुलसीपुर उपमहानगरपालिका १२ रझेनास्थित नेपालगंजबाट तुलसीपुर तर्फ आउँदै गरेको बा. प्रदेश ००३ क ९७५६ नम्बरको मिनि ट्रक र सोही दिशाबाट आउँदै गरेको रा ५ प २६९१ नम्बरको स्कुटी र विपरित दिशाबाट जादै गरेको भे १ क १८०१ नम्बरको ट्रक एकआपसमा ठोकिदा दुई जना गम्भीर घाइते भएको इलाका प्रहरी कार्यालय तुलसीपुरका प्रहरी निरीक्षक प्रकाश थापाले जानकारी दिए ।
घाइते हुनेहरुमा तुलसीपुर उपमहानगरपालिका ९ बस्ने २७ वर्षिया कल्पना नेपाली र पछाडी सवार घोराही उपमहानगरपालिका ८ बस्ने २७ वर्षिय किरण भण्डारी रहेका छन् । घाइतेहरुको राप्ती प्रादेशिक अस्पताल तुलसीपुरमा उपचार भैरहेको अस्पताललाई उद्धत गर्दै प्रहरीले बताएको छ ।
त्यस्तै ३ वटै सवारी साधन र दुवै ट्रकका चालकलाई प्रहरी चौकी जसपुरले नियन्त्रणमा लिई थप अनुसन्धान गरिरहेको बताएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
