दाङ । घोराही – ७ सौडियारकै जेठाे र पुरानो बिद्यालय माबि सौडियारको प्लसटु तर्फको जिम्मेवारी बिद्यालयका शिक्षक हिरालाल न्यौपानेलाई प्रदान गरिएको छ ।
बिद्यालय व्यबस्थापन समितिका अध्यक्ष निशानदाजु भट्टराईले प्लसटुको पढाइ ब्यबस्थित र प्रभाबकारी
बनाउन न्यौपानेलाई सो जिम्मेवारी दिइएको बताए ।
बिद्यालयका शिक्षक अभिभाबक संघ अध्यक्ष लोकबहादुर कँवर र निमित्त प्रधानाध्यापक नन्द वलीले आगामी दिनमा प्लसटु तर्फको नतिजा सुधार हुनेमा बिश्वास लिइएको बताउँदै न्यौपानेलाई नयाँ जिम्मेवारी प्राप्त गरेकोमा बधाईसहित सफलताको शुभकामना दिएका छन् ।
लामो शिक्षण अनुभब संगालेका न्यौपाने माबि तहमा द्वितिय श्रेणीको गणित बिषयका शिक्षक हुन् ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
