तुल बहादुर कवँर मगर
सिसहनियाँ । दाङको राप्ती गाउँपालिका वडा नम्बर २ कठाहा स्थित राप्ती नदी उकास क्षेत्रमा ७ हजार बढी बेत बासका बिरुवाहरु राेपिएकाे छ।
साे क्षेत्रलाई सार्वजनिक वन बनाउने उदेश्यले राप्ती गाउँपालिकाकाे सहयोग तथा कठाहाका स्थानीय उपभोक्तहरुकाे जनश्रमदान मार्फत उक्त विरुवाहरु राेपिएकाे हाे।
बहुउपयाेगी बनस्पति भएकाले अरु फलफूलका बिरुवाहरु सँगै बेत बास पनि राेपिएकाे राप्ती गाउँपालिकाका अध्यक्ष प्रकाश विष्टले बताउनुभयो ।
“बेतबास बहुउपयाेगी वनस्पति हाे।यसले भूक्षय रोक्न र माटोको संरचना सुधार गर्न तथा वातावरणबाट धेरै मात्रामा कार्बन डाइअक्साइड शोषण गरि हावा सफा राख्न मद्दत गर्छ ।”,अध्यक्ष विष्टले भन्नुभयो -“बेतबासबाट फर्नीचर,भाँडाकुँडा,कागज, कपडा र अन्य दैनिक प्रयोगका धेरै वस्तुहरू बनाउन प्रयोग गरिन्छ। अहिले राेपिएकाे बास भविष्यमा विपन्न नागरिकहरुकाे आर्थिक आयआर्जनको स्राेत बन्न सक्छ।”
त्यस्तै अध्यक्ष विष्टले पालिकाकाे विभिन्न वडामा रहेका सार्वजनिक जग्गालाई संरक्षण गरि त्यसबाट लाभ लिने उद्देश्य रहेको बताउनुभयाे ।
शनिबार मात्रै साे क्षेत्रकाे साढे ६ हेक्टर क्षेत्रफलमा ७ हजार ३ सय बेत बासका बिरुवाहरु राेपिएकाे गाउँपालिकाका वन प्राविधिक बिपिन भुसालले जानकारी दिनुभयाे।
बास राेपण कार्यक्रममा गाउँपालिकाका अध्यक्ष प्रकाश विष्ट सँगै अन्य जनप्रतिनिधि,
समाजसेवी,बुद्धिजीवी,वन प्राविधिक वन लगायत १ सय बढी स्थानीय उपभोक्तहरुकाे सहभागिता रहेको थियो ।
करिब २० हेक्टर नदी उकास जग्गा रहेको साे क्षेत्रमा गत महिना पनि विभिन्न फलफूल प्रजातिका ४ हजार ५ सय बिरुवाहरु राेपिएकाे थियो।
यसैबीच शनिबार नै वडा नम्बर २ कै धार्मिक तथा पर्यटकीय स्थल हर्सेडाँडामा पनि विभिन्न प्रजातिका फलफूलका विरुवाहरु राेपिएकाे छ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
