दाङ। दाङको बंगलाचुलीमा मोटरसाइकल दुर्घटना हुँदा एक जनाको मृत्यु भएको छ भने एक जना घाइते भएका छन् ।
आज बिहान ९ बजे तिर जुम्लेपानी पुरुङ छेडा बाटो अन्तर्गत मौवालेक भने ठाउँमा रा ३ प ५७९१ मोटरसाइकल दुर्घटना हुदा मोटरसाइकल सवार बंगलाचुली ४ निवासी ३२ बर्षका खेतुलाल नेपालीको मृत्यु भएको छ भने चालक बंगलाचुली ३ निवासी ३८ बर्षका चेत प्रसाद डाँगी घाइते भएको जिल्ला प्रहरी कार्यालय दाङका डिएसपी जनक मल्लले जानकारी दिए ।
डिएसपी मल्लको अनुसार घाइते डाँगीलाई राप्ती स्वास्थ विज्ञान प्रतिष्ठान घोराहीमा उपचार भैरहेको छ र साँगुरो अप्ठेरो बाटोमा मोटरसाईकल अनियन्त्रित भई दुर्घटना भएको बताए । मोटरसाइकल करिब ४ सय मिटर तल खसेको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
