दाङ । बुद्धिचाल राष्ट्रिय प्रतियोगिताका लागि दाङमा खेलाडी छनौटमा हुने भएको छ । यही जेठ ३० देखि ३२ गतेसम्म पोखरामा हुन लागेको ‘यु–१५ राष्ट्रिय बुद्धिचाल प्रतियोगिताका लागि दाङमा खेलाडी छनौट प्रतियोगता हुन लागेको हो ।
दाङ जिल्ला बुद्धिचाल संघले यही जेठ १९ गते शनिबारका दिन घोराहीमा खेलाडी छनौट प्रतियोगिता आयोजना गर्न लागेको संघका जिल्ला अध्यक्ष अनिल शेरपाईली जानकारी दिनुभयो ।
राष्ट्रिय प्रतियोगिताका लागि दाङवाट २ छात्र र २ छात्रा सहभागी हुने भएकाले खेलाडी छनौट प्रतियोगिता संचालन गर्न लागिएको हो ।
खेलाडी छनौट प्रतियोगिताका लागि संघले बुधवार विज्ञप्ती जारी गर्दैै छनौट प्रतियोगितामा सहभागी हुन जिल्लाका सम्पूर्ण सामुदायिक तथा संस्थागत विद्यालयहरुलाई आह्वान गरेको छ । संघका अध्यक्ष अनिल शेरपाईलीले विज्ञप्तीमा १५ वर्षमुनि उमेर समूहका बालबालिकाहरुको राष्ट्रिय प्रतियोगिता उपाधी दाङले हात पार्नका लागि छनौट प्रतियोगिता संचालन गर्न लागिएको जनाएको छन् ।
छनौट प्रतियोगिता घोराहीको गोरखा ईन्टरनेशनल पब्लिक सेकेण्डरी स्कुलको आयोजना गरिएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
