श्रवण कुमार यादव
राजपुर। अत्याधिक गर्मीसँगै तातो हावा (लु) चलेकाले देउखुरीको राजपुर गाउँपालिकासहित ४ वटै पालिकाका विद्यालय दुई दिन बन्द हुने भएका छन् ।
निरन्तर बढिरहेको गर्मीका कारण बालबालिकाहरुको स्वास्थ्यमा समस्या देखिन थालेपछि देउखुरीको राजपुर गाउँपालिका, राप्ती, गढवा र लमही नगरपालिकाले सुचना जारी गरी जेठ १७ र १८ गते गरी २ दिनका लागि विद्यालय बिदा दिइएका हुन्।
अत्याधिक गर्मी भएको भनि विद्यालयबाट जन गुनासाे आएकोले राजपुर गाँउ शिक्षा समितिकाे जेठ १४ गतेको निर्णय बमोजम जेठ १७ र १८ गते दुई दिनका लागि विद्यालय बन्द गर्ने निर्णय गरेको राजपुर गाँउपालिकाका शिक्षा शाखा प्रमुख केशव लम्सालले बताउनुभयो।
देउखुरीमा केही दिनदेखि अत्याधिक गर्मी बढेको छ । यहाँको तापक्रम ४१ डिग्रीभन्दा बढिरहेको छ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
