मधुसुदन गिरी
कमिरेचौर । दाङको बंगलाचुली गाउँपालिकामा भोलि १४ गते देखि सुरु हुने चौथो बंगलाचुली कप खेलकुद प्रतियोगिताको तयारी पुरा भएको छ । बंगलाचुली गाउँपालिकाको आयोजनामा सुरु हुने प्रतियोगिताको तयारी पुरा भएको खेल सञ्चालन समितिका संयोजक एंव वडा नम्बर ५ का अध्यक्ष लिला बहादुर घर्तिले जानकारी दिनुभयो ।प्रतियोगिताको उद्घाटन भोलि बिहान ११ बजे लुम्बिनी प्रदेश सभा सदस्य एंव निवर्तमान मन्त्री राजु खनालको प्रमुख आतिथ्यतामा हुने संयोजक घर्तिले बताउनुभयो ।
उद्घाटन खेलमा क्रिकेट तर्फ साबिक बिजेता वडा नम्बर ४ र वडा नम्बर ७ बिचको खेल हुनेछ । यस्तै भलिबल पुरुषतर्फ वडा नम्बर १ र ५ बिच खेल हुनेछ भने महिला भलिबल तर्फ वडा नम्बर ६ र वडा नम्बर ७ विच खेल हुनेछ ।
प्रतिययोगितमा महिला पुरुष भलिबल तर्फ प्रथम हुने टिमले २५ हजार रुपैया नगद पुरस्कार सिल्ड, मेडल र प्रमाणपत्र पाउनेछन । यस्तै द्धितिय र तृतिय हुने टिमले क्रमशः १५ हजार र ८ हजार रुपैया नगद पुरस्कार सिल्ड, मेडल र प्रमाणपत्र पाउनेछन । यस्तै क्रिकेट खेलमा विजेता हुने टिमले २५ हजार नगद पुरस्कार सहित सिल्ड, मेडल र प्रमाणपत्र पाउनेछन ।भने उपबिजेता हुने टिमले १५ हजार नगद पुरस्कार सिल्ड, मेडल र प्रमाणपत्र पाउनेछन । सबै खेल बंगलाचुली ४ जुम्लेपानीमा रहेको गढिलेख खेल मैदानमा हुनेछ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
