घोराही । नेपाल कम्युनिस्ट पार्टी घोराही उपमहानगर कमिटीको प्रथमपूर्ण बैठक सम्पन्न भएको छ । शनिबार घोराहीमा सम्पन्न भएको पार्टीको बैठकले संगठन तथा उत्पादनसम्बन्धी महत्त्वपूर्ण निर्णयहरु गरेको हो ।
नेकपा घोराही उपमहानगरका सेक्रेटरी महान सीको अध्यक्षता एवं पार्टी केन्द्रीय सदस्य तथा दाङ जिल्ला इञ्चार्ज सविन सीको प्रमुख आतिथ्यता भएको बैठकले संगठनलाई जनतासम्म पुर्याउन सम्पूर्ण पार्टीपंक्तिलाई जनतातिर फर्काउने र पार्टीले संश्लेषण गरेका विचारधारात्मक विषयवस्तुहरुलाई जनतासम्म अन्तरक्रिया तथा गोष्ठीहरु सञ्चालन गर्ने निर्णय गरेको छ ।
त्यस्तै बैठकले सामाजिक रुपमा मौलाउदै गएका बिकृती, बिसंगतीहरुको विरुद्धमा जनसंघर्षका कार्यक्रमहरु सञ्चालन गर्ने, एकीकृत स्वामित्व अन्तर्गत उत्पादनलाई बढाएर लैजाने र एकीकृत स्वामित्व नीतिमा सम्पूर्ण पार्टीपंक्ती जोडिनुपर्ने लगायतका महत्त्वपूर्ण निर्णयहरु गरेको पार्टीले जनाएको छ ।
उक्त बैठकले पालिकाभित्रका १९ वटै वडामा जवस मोर्चाहरुका जिम्मेवारी ठोस गरिएको पार्टीले जनाएको हो ।
बैठकमा पार्टी केन्द्रीय सदस्य तथा दाङ जिल्ला इञ्चार्ज सविन सी, पार्टीका केन्द्रीय सदस्यद्वय पाटन सी र सम्झना सी, पार्टीका दाङ जिल्ला सेक्रेटरी तिलक सीले पार्टीको विचार, नीति, कार्यदिशा तथा पार्टीले लिएको आवधिक योजना र राष्ट्रिय राजनीतिक लगायत समसामयिक विषयमा प्रशिक्षणात्मक मन्तव्य राखेका थिए ।
त्यसैगरी बैठकले तत्कालीन पार्टीका पूर्वी दाङकी इञ्चार्ज सम्झ्ना सी र सेक्रेटरी जनक सीलाई सम्मान गरेको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
