दाङ । दाङको बंगलाचुली गाउँपालिकाको बार्षिक कार्यक्रम अनुसार बंगलाचुली कप प्रतियोगिता जेठ १४ गतेदेखि हुने आज बुधबार एक सूचना जारी जानकारी दिएको छ ।
उक्त बंगलाचुली कप प्रतियोगिता महिला पुरुष भलिबल र पुरुष क्रीकेट प्रतियोगिता हुँदै छ जस्मा बंगलाचुली गाउँपालिकाका ८ वडाबाट एक-एक टिमले सहभागीता जनाउन पाउने उक्त सूचनामा उल्लेख गरेका छन् ।
प्रतियोगितामा सहभागी हुने टिमले यहि जेठ ११ गते दिउसो ३ बजेसम्म गाउँपालिकाको कार्यालयमा टिम दर्ता गर्न सकिने बताइएको छ । क्रीकेट प्रतियोगितामा विजेता हुने टिमले २५ हजार रुपैया नगद पुरस्कार सहित कप, मेडल र प्रमाणपत्र प्राप्त गर्ने छ । यस्तै उपविजेता हुने टिमले नगद १५ हजार नगद पुरस्कार सहित कप, मेडल र प्रमाणपत्र पाउनेछ ।
साथै महिला पुरुष भलिबल प्रतियोगिताका प्रथमले
२५ हजार रुपैया नगद पुरस्कार सहित कप, मेडल र प्रमाणपत्र प्राप्त गर्ने छ । दोस्रो हुने १५ हजार रुपैया नगद पुरस्कार सहित कप, मेडल र प्रमाणपत्र प्राप्त गर्नेछन भने तेस्रो स्थान हासिल गर्ने टिमले ८ हजार रुपैया नगद पुरस्कार सहित कप, मेडल र प्रमाणपत्र प्राप्त गर्ने उक्त सूचना रहेको छ ।
सम्पुर्ण खेल बंगलाचुली गाउँपालिका- ४ स्थित गढिलेक खेलमैदानमा जेठ १४ गते बिहान ११ बजेदेखि हुने छ भने खेलको टाइसेट जेष्ठ १३ बिहान ११ बजे हुने समेत जानकारी दिएको छ ।
गाउँपालिकाद्वारा जारी सूचना
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
