श्रवण कुमार यादव
देउखुरी । दाङ दउखुरीकोे राजपुर गाउँपालिका-२, स्थित श्री जन ज्योति माध्यमिक विद्यालयमा शैक्षिक सत्र २०८१ का लागि सदन विभाजन गरिएको छ ।
शैक्षिक सत्र २०८१ मा आयोजना हुने विभिन्न अतिरिक्त क्रियाकलापहरू प्रतिस्पर्धात्मक तरिकाले सञ्चालन गर्ने उद्देश्यले अध्ययनरत विद्यार्थीलाई दशरथ, गंगालाल, धर्मभक्त र शुक्रराज सदनमा विभाजन गरिएको विद्यालयका प्रधानाध्यापक केशव राम यादवले बताए।
दशरथ सदनबाट सदन क्याप्टेन आयुफ अहम्मद र सह–क्याप्टेनमा प्रतिमा बुढा, गंगालाल सदनबाट क्याप्टेन दोर्ण बहादुर यादव र सह–क्याप्टेनमा सुस्मिता चौधरी, धर्मभक्त सदनमा पवन वस्नेत क्याप्टेन र बाटुली चौधरी सह–क्याप्टेन, शुक्रराज सदनमा श्रवण यादव सदन क्याप्टेन र सिया वि.क. सह–क्याप्टेन चयन भएकोे बताइएको छ। त्यस्तै शुक्रराज सदनमा रातो, धर्मभक्तमा हरियो, गंगालालमा पहेँलो र दशरथ सदनको निलो रिबन समेत छुट्याई दुई चुल्टी बाँध्ने नियम समेत लागू गरिएको छ।
त्यस्तै शैक्षिक सत्र २०८१ का लागि विद्यालयमा अतिरिक्त क्रियाकलाप संचालन गर्नका लागि विद्यार्थीहरूबाट अतिरिक्त क्रियाकलाप संञ्चालन सहयाेग समिती गठन गरिएको छ। जसमा अस्मिता चौधरीको संयोजकत्वमा ९ जनाको समिती गठन भएको बताइएको छ।
त्यस्तै रबिन चौधरीकोे संयोजकत्वमा ९ जना समिति सहित बाल इको क्लब गठन भएको बताइएको छ । विद्यालयमा गठित बाल इको क्लब मार्फत वातावरण संरक्षण, जीव तथा वन्यजन्तु संरक्षण सम्बन्धी सन्देश साथै चेतना फैलाउने उद्देश्य राखेर बाल इको क्लब गठन गर्ने गरेकाे गरिएको विद्यालय इको शिक्षक मिन बहादुर चौधरीले जाकारी दिए ।
विद्यालयमा सैद्धान्तिक ज्ञानको मात्र भण्डार नभई विद्यार्थीको संस्कारयुक्त जीवनोपयोगी, व्यावहारिक तथा नेतृत्व सिपको विकासमा पनि महत्वपूर्ण माध्यम बन्न सक्नेमा विद्यालयकाे जोड रहेको जनाएको छ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
