घोराही । घोराही उपमहानगरपालिका वडा नम्बर १४ स्थित आधारभूत विद्यालय बालमन्दिरको वृद्धि विकासका बिषयमा छलफल कार्यक्रम गरिएको छ ।
विद्यालय व्यवस्थापन समितिका अध्यक्ष नरबहादुर बुढाथोकीको अध्यक्षता एवं नगर प्रमुख नरुलाल चौधरीको प्रमुख आतिथ्यता एवं वडा नम्बर १४ का अध्यक्ष भानसिं बुढाको विशिष्ट आतिथ्यतामा कार्यक्रम गरि विद्यालयको भौतिक, शैक्षिक विकासका बिषयमा समीक्षासँगै आगामी कार्य योजनाका बिषयमा छलफल भएको हो ।
साथै नगरको आर्थिक सहयोगमा ५ लाख रुपैयाँको लगानीमा बनाईएको गेटको समेत उद्घाटन गरिएको छ । विद्यालयका प्रख विष्णु भण्डारीले विद्यालयको अबस्थाका बारेमा जानकारी गराउनुभएको थियो । उक्त विद्यालयमा बौद्धिक अपांगता भएका बालबालिकाहरुले अध्ययन गर्दै आएका छन् ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
