दाङ। दाङको बंगलाचुली गाउँपालिका वडा नम्बर ४ मा टोल स्तरीय क्रिकेट प्रतियोगिता हुने भएको छ ।
बुधबार वडा नम्बर ४ का अध्यक्ष डास बहादुर डाँगीले आज एक सुचना जारी गरि प्रतियोगिता हुन लागेको जानकारी गराइएको हो । वडा नम्बर ४ को आयोजनामा यहि बैशाख १८ गते प्रतियोगिता हुन लागेको उक्त सुचनामा उल्लेख गरिएको छ । बंगलाचुली गाउँपालिका वडा नम्बर ४ भित्रका टोलहरुले जस्मा साबिक वडा नम्बर १,२,३,४,५का टिम सहभागिता जनाउन पाउने छन् ।
प्रतियोगितामा सहभागी हुने टिमले यहि बैशाख १६ गते दिउसो ४ बजेसम्म वडा कार्यालयमा टिम दर्ता गर्न सकिने बताइएको छ । प्रतियोगितामा विजेता हुने टिमले १८ हजार रुपैया नगद पुरस्कार सहित कप, मेडल र प्रमाणपत्र प्राप्त गर्ने छ । यस्तै उपविजेता हुने टिमले नगद १२ हजार नगद पुरस्कार सहित कप, मेडल र प्रमाणपत्र पाउनेछ । खेल बैशाख १८ गते गढिलेक खेलमैदानमा बिहान ८ बजेदेखि सुरु हुनेछ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
