दाङ । सल्यानमा यात्रुबाहक बस दुर्घटना भएको छ । दाङबाट रुकुम जाँदै गरेको रा १ ख २०८५ नम्बरको यात्रुबहाक बस सल्यानको बागचौर नगरपालिका वडा नम्बर २ सिङबाङस्थित पुलमा दुर्घटना हुँदा १४ यात्रु घाइते भएका छन् ।

बुधबार बिहान पौने ११ बजेतिर जिल्लाको बागचौर नगरपालिका वडा नम्बर २ सिङबाङस्थित पुलबाट बस खस्दा १४ यात्रु घाइते भएको जिल्ला प्रहरी कार्यालय सल्यानले जानकारी दिएको छ ।

दुर्घटनामा घाइतेहरु मध्ये ४ जनाको अवस्था गम्भीर छ भने १० जनाको अबस्था सामान्य रहेको प्रहरीले जनाएको हो ।

बस अनियन्त्रित भएर पुलबाट खसेको प्रहरीले बताएको छ । घाइतेहरुको विवरण आउन बाँकी छ ।

सिस्ने अनलाइन

सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।