कमल खड्का
रोल्पा । रुन्टीगढी गाउँपालिकाको आधारभूत तह अन्तर्गत कक्षा ८ को नतिजा सार्वजनिक भएको छ । शैशिक सत्र २०८० चैत १ गतेदेखि सुरु गरिएको पालिकास्तरीय आधारभूत तहको नतिजा सोमबार गाउँपालिकामा एक कार्यक्रम गरी सार्वजनिक गरिएको हो ।
शैशिक सत्र २०८० मा आधारभूत तह अर्थात् कक्षा ८ मा सात सय २१ जना भर्ना भएका विद्यार्थीमध्ये विभिन्न कारणले ६ सय १६ जना विद्यार्थीहरु मात्र परीक्षामा समेल भएका थिए । जसमध्ये कुनैपनि विषय नलागेर शुद्ध उत्तीर्ण संख्या १ सय ३० जना रहेका छन् । जसको शुद्ध उत्तीर्ण २१ प्रतिशत रहेको छ । विषय लागेर २ सय ९६ जना विद्यार्थी उत्तीर्ण भएका छन् भने यसरी कूल उत्तीर्ण संख्या ४ सय २६ रहेको छ । जसको कूल ६९ प्रतिशत रहेको छ । यसैगरी कक्षा चढाउनै नपाउने गरी १ सय ९० जना विद्यार्थी अनुत्तीर्ण भएका छन् ।
रुन्टीगढी गाउँपालिकाको वडा – १ मा रहेको पद्योदय मावि दाङचोटले परीक्षामा सामेल गराएको १५ जना विद्यार्थी मध्ये १२ जना अर्थात ८० प्रतिशत शुद्ध विद्यार्थी उत्तीर्ण गराइ पहिलो स्थान हासिल गर्न सफल भएको छ । गत वर्ष पनि पद्योदय मावि दाङचोटले पहिलो स्थान हासिल गर्न नै सफल भएको थियो ।
यसैगरी जनकल्यान मावि रुन्टीगढी ९ सर्पालले परीक्षामा सामेल गराएको ४० जना विद्यार्थी मध्ये २६ जना अर्थात ६५ प्रतिशत शुद्ध विद्यार्थी उत्तीर्ण गराइ दोस्रो, तिपुरेश्वरी आवि रुन्टीगढी ६ खाराले परीक्षामा सामेल गराएको १२ जना विद्यार्थी मध्य ७ जना अर्थात ५८ प्रतिशत शुद्ध विद्यार्थी उत्तीर्ण गराइ तेस्रो स्थान र जनज्योति आवि रुन्टीगढी २ लामिडाँडाले परीक्षामा सामेल गराएको ३२ जना विद्यार्थी मध्य १६ जना अर्थात ५० प्रतिशत शुद्ध विद्यार्थी उत्तीर्ण गराइ चाैथाे स्थान हासिल गर्न सफल भएको छ ।
गत वर्ष ९ प्रतिशत सिकाइ उपलब्धी देखिको कक्षा ८ को परीक्षाको नतिजा यस वर्ष बढेर २१ प्रतिशत भएको छ । यसरी हेर्दा गतवर्षको भन्दा यस वर्ष रून्टीगढीमा सिकाइ उपलब्धी नतिजा सन्तोषजनक तथा वृद्धि भएको पाइएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
