लमही । देउखुरीमा यात्रुबाहक बस दुर्घटना हुँदा दर्जन बढी यात्रु घाइते भएका छन् । लमही नगरपालिका -३ वनगाउँमा दुईवटा बस एक आपसमा ठोक्किदा दुर्घटना भएको वडा प्रहरी कार्यालय लमहीका प्रहरी निरीक्षक शंकर श्रेष्ठले जानकारी दिनुभयो ।
बुटवलबाट सुर्खेतका लागि गुडेको लु१ख ७३६३ नम्बरको बस र तुलसीपुरबाट बुटवलका लागि गुडेको रा १ ख २५८१ नम्बरको यात्रु बस एक आपसमा ठोकिएका थिए । दुर्घटना दुबै बसमा सवार रहेका केही यात्रु गम्भीर घाइते र केही यात्रु समान्य घाइते रहेको प्रहरीले बताएको छ ।
सामान्य घाइतेहरुको अहिले लमही अस्पतालमा उपचार भैरहेको छ भने गम्भीर घाइतेलाई बाहिर पठाउने तयारी भैरहेको छ । अस्पतालमा अहिले लमही नगरपालिका-४ का वडा अध्यक्ष सुवास न्यौपाने र वडा नम्बर ८ का वडा अध्यक्ष उमेश कुमार खड्का पुगेर घाइतेहरुको अवस्था बुझ्दै उपचारमा सहयोग स्वास्थ्यकर्मीलाई आग्रह गर्नु भएको छ ।
घाइतेहरुको विवरण आउँन बाँकी छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
