घोराही । दाङको घोराहीबाट सञ्चालनमा आइरहेको सिस्ने मिडिया एण्ड टेक्नोलोजी प्रालिद्वारा सञ्चालित सिस्ने अनलाइनको छैटौं वार्षिकोत्सवको अवसरमा मैत्रीपूर्ण फूटबल प्रतियोगिता हुने भएको छ ।
अनलाइनको छैटौं वार्षिकोत्सवको अवसरमा भोलि अर्थात् मंगलबार बिहान मैत्रीपूर्ण फुटबल प्रतियोगिता हुने भएको हो ।`सबैका समाचार, सबैका विचार, युगको आह्वान- डिजिटल सञ्चार´ भन्ने मूल नारासहित सञ्चालनमा रहेको सिस्ने अनलाइन २०७४ सालमा स्थापना भएको अनलाइनका प्रवन्ध सम्पादक जंग रेउलेले जानकारी दिए । उनले अनलाइनको वार्षिकोत्सवलाई सिर्जनात्मक तथा रचनात्मक बनाउने उद्देश्यकासाथ मैत्रीपूर्ण फूटबल प्रतियोगिता र वृद्धाश्रममा रहेका जेष्ठ नागरिकलाई फलफूल वितरण गरी वार्षिकोत्सव मनाउन लागेको बताए ।
जिल्लामा रहेका विभिन्न सञ्चार माध्यममा कार्यरत पत्रकार र ग्लोबल ओरियन्स नेपालबीच हुने मैत्रीपूर्ण फूटबल प्रतियोगिता घोराही-१८ मा रहेकोे नवलपुर खेलकुद मैदानमा हुने भएको छ ।
फोटोग्राफीमा दक्ष महरा सिस्ने अनलाइनका फोटो पत्रकार हुनुहुन्छ ।
