श्रवण कुमार यादव
राजपुर । दाङकाे राजपुरमा बसले मोटरसाइकललाई ठक्कर दिँदा एकजनाको घटनास्थलमै मृत्यु भएको छ भने एकजना गम्भीर घाइते भएका छन् ।
पूर्व देखि पश्चिम जाँदै गरेको १ ख २३६० नम्बरकाे रोयल याताात सेवाकाे बसले राजपुर-५, नौंसहरामा पश्चिम देखि पूर्व आइरहेको रा २ पा रा ७ प २०७ नम्बरको मोटरसाइकललाई आज शनिबार बेलुका करिब ७ बजेतिर ठक्कर दिँदा बाइकमा सवार रहेका दुई जना दुर्घटनामा परेका हुन् ।
दुर्घटनामा परी मृत्यू हुनेमा राजपुर-५, नौंसहरा निवासी मनोहर यादवका छोरा अन्दाजी २४ वर्षीय प्रमोद यादव र घाइते हुनेमा सोही ठाउँ निवासी प्रदिप यादव रहेको ईलाका प्रहरी कार्यालय गढवाका प्रहरी निरीक्षक नविन वलीले जानकारी दिनुभएको छ।
घाइतेलाई उपचारको लागि लमही अस्पताल पठाइएको प्रहरीले जानकारी दिएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
