घोराही । दाङको घोराहीमा होली विशेष साँस्कृतिक कार्यक्रम हुने भएको छ । रिघाँउ लञ्ज बारले बिहीबार घोराहीमा पत्रकार सम्मेलनको आयोजना गरी होली विशेष कार्यक्रमको बारेमा जानकारी दिएकोे हो ।
त्यस्तै लञ्ज बारका सञ्चालक धर्म जिएमले होली पर्वलाई मनोरञ्जनात्मक बनाउनका लागि काठमाण्डौंबाट डिजे दिनेश र डिजे सोनु आउने बताए । चैत १२ गते अर्थात् होली पर्वको दिन बिहान १० बजेदेखि साँझ ७ बजेसम्म कार्यक्रम सञ्चालन हुने र त्यसका लागि कार्यक्रममा सहभागी हुनका लागि तीनसयको टिकट व्यवस्था गरिएको उनको जानकारी दिए । कार्यक्रमको अवधिभरमा लञ्ज बारले ग्राहकको माग अनुसारको खाजा तथा नास्ताको उपलब्ध गराउने र कार्यक्रम नविल बैंकको छेउमा रहेको ग्राउण्डमा हुने उनको भनाइ छ ।
होली पर्वलाई व्यवस्थित बनाउन र कुनैपनि अप्रिय घटना हुन नदिनका लागि स्वयंसेवक र प्रहरीको व्यवस्था मिलाइने भएको छ । होली पर्व विशेष साँस्कृतिक कार्यक्रमका लागि करिब दुई लाख खर्च हुने आयोजकले जनाएको छ ।