दाङ । निजी तथा आवासीय विद्यालय अर्गनाइजेसन नेपाल (प्याब्सन ) दाङकाे आयाेजनामा भएकाे अन्तर पालिका शिक्षक भलिबल प्रतियोगिताकाे उपाधि प्याब्सन घाेराहीकाे समूह `क´ले जितेकाे छ । 
प्याब्सन दाङकाे आयाेजनामा आज शनिबार दाङकाे घाेराहीस्थित मेचीकाली सेकेन्डरी बाेर्डिङ स्कुलमा भएकाे प्रतियोगितामा प्याब्सन घाेराहीकाे समूह `क´ ले उपाधि जितेकाे हाे ।
त्यस्तै प्रतियोगितामा प्याब्सन घाेराहीकाे समूह `ख´ उप विजेता भएकाे छ । साथै प्रतियोगितामा तुलसीपुर प्याब्सनकाे समूह `क´ तृतीय भएकाे थियाे ।
प्रतियोगितामा घाेराही प्याब्सनबाट २ , तुलसीपुर प्याब्सनबाट २ र नगर प्याब्सनबाट १ गरी ५ समूहकाे सहभागिता रहेकाे थियाे ।
कार्यक्रम प्याब्सन दाङका उपाध्यक्ष तथा अतिरिक्त क्रियाकलापका संयाेजक चक्रबहादुर रावतकाे अध्यक्षता तथा प्याब्सन केन्द्रीय सचिव यादव गिरीकाे प्रमुख आतिथ्यतामा सम्पन्न भएकाे थियाे । कार्यक्रममा जिल्ला अध्यक्ष मधुसुदन केसीले धन्यवाद ज्ञापन गरेका थिए ।
घाेराही नगर प्याब्सनका अध्यक्ष बीरेन्द्र चन्दकाे स्वागत मन्तव्यबाट सुरूभएकाे कार्यक्रमकाे सहजीकरण जिल्ला सचिव आदिम केसीले गरेका थिए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
