नबिन पिएम
सल्यान । सल्यानमा ट्रकले मोटरसाइकललाई ठक्कर दिँदा एक जनाको मृत्यु भएको छ । सल्लीबजार-चौरजहारी सडकखण्ड अन्तर्गत जिल्लाको बनगाड कुपिण्डे नगरपालिका – ६ सुनौली बजार टाट्के नजिकै भएको दुर्घटनामा परी बनगाड कुपिण्डे नगरपालिका -५ च्युराका १८ वर्षिय शिशिर बिष्टको मृत्यु भएको हो ।
दुर्घटनामा मृत्यु भएका बिस्टको टाउको र शरिरमा गम्भीर चोट लागेको थियो
सल्लिबजार बाट आउँदै गरेको ना ५ ख २२५३ नम्बरको टे्रलर ट्रक र विपरित दिशाबाट जाँदै गरेको बनगाड कुपिण्डे नगरपालिका – १ का १८ वर्षिय दिपायल बुढा चालक रहेको लु ८० प १४११ नम्बरको मोटसाइकल शुक्रबार साँझ साढे ५ बजेतिर समयमा एक आपसमा ठोकीएको जिल्ला प्रहरी कार्यालय सल्यानका प्रहरी निरीक्षक भवानी प्रसाद धमलाले जानकारी दिनुभयो ।
उहाँका अनुसार दुर्घटनामा मोटरसाइकलमा पछाडि सवार बिष्टको मृत्यु भएको हो । मोटरसाइकल चालकलाई भने घाइते छन । मोटरसाइकल चालक र ट्रक चालकलाई प्रहरीले नियन्त्रणमा लिएको र दुर्घटनाको थप अनुसन्धान भैरहेको प्रहरिले जनाएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
