दाङ । दाङमा गाडीको ठक्करबाट एक साइकलयात्रीको मृत्यु भएको छ । पूर्व पश्चिम राजमार्गअन्तर्गत पिपरीमा आज बुधबार प्रदेश ३–०१–०२२ च १३६९ नम्बरको स्कारपियोले साइकलमा यात्रा गरिरहेकी प्यूठान १ झिमरुक घर भई हाल राप्ती गाउँपालिका ८ पिपरीमा बस्ने ३५ वर्षकी राधा बस्नेतको मृत्यु भएको हो ।
गाडीको ठक्करबाट घाइते भएकी बस्नेतलाई उपचारका लागि सिसहनिया स्वास्थ्य चौकीमा ल्याइएको र उपचारकै क्रममा उनको ज्यान गएको जिल्ला प्रहरी कार्यालय दाङले जनाएको छ ।
सोही साइकल पछाडि सवार १६ वर्षकी विपना केसीलाई भने उपचारपछि थप उपचारका लागि बुटवल रेफर गरिएको छ । ठक्कर दिने गाडीलाई प्रहरीले नियन्त्रणमा लिएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
