भ्यूमान पुन
घोराही । पाचौं हापुर कप खुला नकआउट फुटबल प्रतियोगिताको टाइसेट सार्वजनिक भएको छ । हापुर युथ क्लब घोराही दाङको आयोजनामा फागुन १ गतेदेखि सञ्चालन गर्न लागिएको फुटबल प्रतियोगिताको टाइसेट सार्वजनिक गर्नुभएको हो ।
घोराही १२ हापुर बिजौरी खेल मैदानमा सञ्चालन गर्न लागिएको फुटबल प्रतियोगिताको तयारी पुराभएसँगै आईतबार टाइसेट सार्वजनिक गरिएको क्लबका अध्यक्ष विनोद विकले जानकारी दिनुभयो ।
खेलमा प्रतिस्पर्धा गर्न विभिन्न जिल्लाका क्लबबाट २७ टिम दर्ता भएका छन् । प्रतियोगितामा बिजेता टिमले नगद ५० हजार ५सय ५५ शिल्ड, मेडल र प्रमाणपत्र, उपबिजेता टिमलाई नगद रु २० हजार ५ सय ५५ शिल्ड, मेडल र प्रमाणपत्र पाउने अध्यक्ष विकले बताउनुभयो ।
यस्तै विधातर्फ उत्कृष्ट हुने खेलाडीहरुलाई पुरस्कारसहित सम्मान गरिने समेत विकले बताउनुभयो । खेल फिमा नियम अनुसार गराइने खेल आयोजक समितिले जानकारी दिएको छ
फागुन १ गतेदेखि संचालन हुने उक्त प्रतियोगिताको फाईनल खेल फागुन १० गते हुने आयोजकले जनाएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
