घोराही । घोराहीमा हालै सम्मपन्न भएको छैठौँ मेयर कप रनिङ शिल्ड फुटबल प्रतियोगिताको उपाधी विजेता वडा नम्बर १७ ले खेलाडीहरुलाई सम्मान गरेको छ ।
वडा अध्यक्ष रामलौटन चौधरीको अध्यक्षतामा कार्यक्रम गरी नगर प्रमुख नरुलाल चौधरी, उपप्रमुख हुमाकुमारी डिसी सहित वडाका जनप्रतिनिधीहरुले विजेता खेलाडीहरुलाई सम्मान पत्र प्रदान गर्नुभयो ।
कार्यक्रममा नगर प्रमुख चौधरीले मेयर कप खेलले वडा तहबाटै खेलको विकासको आरम्भ भएको बताउनुभयो । यस बर्षको खेलमा ग्रामिण तहका खेलाडीहरुको खेल उत्साहजनक भएको बताउनुभयो ।
नगरले सबै क्षेत्रका खेलहरुलाई समान नजरले हेरेको उल्लेख गर्नुभयो । उपप्रमुख हुमाकुमारी डिसीले युवाहरुलाई अनुशासित र स्वस्थ बनाउन यस्ता खेलहरुले ठूलो भूमिका खेलेको बताउनुभयो । साथै विजेता खेलाडीहरुलाई सम्मान स्वरुप सहयोग गर्ने विभिन्न व्यक्तिहरुलाई समेत सम्मान गरिएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
