• १६ फाल्गुन २०८०, बुधबार

सम्पर्क

सिस्ने मिडिया एण्ड टेक्नोलोजी प्रालिद्वारा सञ्चालित
सम्पर्क कार्यलय: घोराही उपमहानगरपालिका– १८ घोराही, दाङ
फोन नम्बर: +९७७-९८०९८५५४०३ , ९८५७८३२६३६
इमेलः : [email protected]
विज्ञापनका लागि
9809855403
घोराहीमा वर्तमान राजनीतिक संकट र यसको समाधान विषयक अन्तरक्रिया कार्यक्रम




दाङ । नेपाल कम्युनिस्ट पार्टी पूर्वी दाङले वर्तमान राजनीतिक संकट र यसको समाधान विषयक अन्तरक्रिया कार्यक्रम सम्पन्न गरेको छ । पार्टीले बुधबार घोराही -२ रामपुरमा एक कार्यक्रमको आयोजना गरी उक्त अन्तरक्रिया कार्यक्रम सम्पन्न गरेको हो ।

नेपाल कम्युनिस्ट पार्टी पूर्वी दाङका सेक्रेटरी जनक सीको अध्यक्षता भएको कार्यक्रममा प्रमुख अतिथि पार्टीका पिबिएम आजाद सीले नेपालको राष्ट्रियता इतिहासकै कमजोर बनिरहेको बताए । उनले राष्ट्रियता कमजोर हुँदा वैदेशिक हस्तक्षेप चरम चुलीमा पुगेको भन्दै एमसीसीमार्फत अमेरिका नेपालमा प्रवेश गरेको उद्घोष गरे ।

पार्टीका पिबिएम आजाद सीले नेपालमा देखिएका सबै समस्या र संकट भूमण्डलीकृत पूँजीवादद्वारा संरक्षित दलाल संसदीय व्यवस्था भएको बताउदै यसको समाधानका लागि नेपाली विशेषताको समाजवाद लागू गर्नुपर्ने कुरामा जोड दिए ।

त्यस्तै कार्यक्रममा पार्टीका केन्द्रीय सदस्य तथा पूर्वी दाङकी इञ्चार्ज सम्झना सीले अहिलेको संकटको मुख्य स्रोत भूमण्डलीकृत पूँजीवाद भएको बताइन् । भूमण्डलीकृत पूँजीवादलाई मलजल गर्ने दलाल संसदीय व्यवस्था असफल भइसकेको बताउदै नेता सम्झनाले यसले जनताको हितमा नभएर पूँजीवादीहरुको हितमा काम गर्छ भन्ने आज सही सावित भएको कुरामा जोड दिइन् ।

पार्टी पूर्वी दाङ सचिवालय सदस्य चुलुवा सीको स्वागत मन्तव्यबाट सुरु भएको कार्यक्रममा नेपाली कांग्रेसका लुम्बिनी प्रदेश सभासदस्य चूडामणि आचार्य,
समाजसेवी खेमराज खनाल, हरि रिजाल, माआवादी केन्द्र जिल्ला समन्वय समिति सदस्य लेखा राना, एकीकृत समाजबादी वडा अध्यक्ष मेगबहादुर खड्का,
माओवादी केन्द्रका वडा अध्यक्ष सुरेन्द्र चौधरी, समाजसेजी सम्भु पोखरेल, वुद्दिजीवि नारायण थापा र पुर्ण बहादुर मल्लले कार्यपत्रमाथि टिप्पणीसहित आफ्नो धारणा राखेका व्यक्त गरेका थिए ।

कार्यक्रममा पार्टीका नेताकार्यकर्ताहरुको उपस्थिति रहेको थियो । कार्यक्रमको सहजीकरण पार्टीका जिल्ला कमिटी सदस्य दान बहादुर सीले गरेका थिए ।

Facebook Comments