दाङ । घोराहीमा जारी छैठौ संस्करणको मेयर कप फुटबल प्रतियोगिता–२०८०को उपाधिका लागि वडा नम्बर १० र १७ आज भिड्ने भएका छन् ।
घोराही उपमहानगरपालिका वडा नम्बर १८ नवलपुर फुटबल मैदानमा पुष २० गते बाट जारी प्रतियोगिताको आज सनिवार दिउस १ बजे फाइनल खेल हुदै छ ।
वडा नम्बर १७ ले साबिक बिजेता वडा नम्बर १३ लाई टाईब्रेकरमा ३–२ गोलको बिजय निकाल्दै फाइनल प्रवेश गरेको थियो भन्ने वडा नम्बर १०ले ३ लाई १–० को गोलको अन्तरले विजय हुदै फाइनलमा वडा नम्बर १७ संग भेट गरेको थियो ।
छैठौ संस्करणको मेयर कपमा नयाँ वडा बिजेता पाउने भएको छ । पाँचौ संस्करणको मेयर कप सकिदा सम्म वडा नम्बर १० र १७ले मेयर कप चुम्न सफल भएको छैनन् । लिग कम नकआउटका आधारमा खेलाईएको मेयर कप फुटबलमा पालिकाका १९ वटै वडाले भाग लिएका थिए।
मेयर कपको फाइनल खेल भन्दा अगाडी ११ बजे नेपाल पत्रकार महासंघ दाङ र घोराही उप–महानगरपालिका जनप्रतिनिधि र कर्मचारी विच मैत्रीपूर्ण प्रतियोगिता हुने समेत घोराही उपमहानगरपालिका स्तरीय खेलकुद विकास समिति संयोजक नरेन्द्र पुनले जानकारी दिनुभयो । संयोजक पुनले खेलबाट सद्भाव र भाइचाराको सम्बन्ध गराउने माध्यमका रुपमा रहेको र खेलले सबैलाई मिलन गराउने भन्दै मैत्रीपूर्ण फुटबल प्रतियोगिता आयोजना गरेको समेत बताए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
