तुलसीपुर । दाङको तुलसीपुरमा रहेको एक गोदाममा लागेको आगो नियन्त्रणमा आएको प्रहरीले जनाएको छ ।
तुलसीपुर उपमहानगरपालिका – ५ नम्बर वडा कार्यालय नजिकमा प्रमोद सोनीले सञ्चालन गर्दै आएको प्लाष्टिकको गोदाममा लागेको आगो प्रहरी, नेपाली सेना, सशस्त्र प्रहरी र स्थानियको सहयोगमा नियन्त्रणमा लिइएको इलाका प्रहरी कार्यालय तुलसीपुरका प्रहरी निरीक्षक नवचन्द्र मल्लले जानकारी दिनुभयो ।
गएराती आगलागी भएको झन्डै एक घण्टा भन्दा धेरै समयपछि नियन्त्रणमा आएको हो ।
आगलागीबाट गोदममा रहेका सम्पूर्ण सामान जलेर नष्ट भएको उहाँले बताउनुभयो । क्षेतिको पूर्ण विवरणसँगै आगलागीको कारण खुल्न बाँकी रहेको प्रहरीले जनाएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
